Sanya Jebar Abuzeid؛ Nermin Ali Islam
پوخته
ئێك ژ بابهتێن سهرهكییێن رستهسازیێ دیاركرنا جۆرێن رستانه, ئهڤ مژاره ب گهلهك جۆران ...
زیاتر بخوێنەوە
ئێك ژ بابهتێن سهرهكییێن رستهسازیێ دیاركرنا جۆرێن رستانه, ئهڤ مژاره ب گهلهك جۆران هاتینه پۆلینكرن, ئێك ژ جۆرێ پۆلینكرنان د زمانێ كوردیدا پۆلینكرنا رستان ژلایێ ههبوونێ (سیستهمى, نهسیستهمى )ڤه یه, ئهڤ پۆلینكرنه ل سهر بنهمایێ ههبوون و پێگیرییا یاسایێن بنهرهتییێن رستهسازیێ د لارستاندا دهێته دهستنیشانكرن.ئهڤ ڤهكۆلینه ل گورهی رێبازا پهسنى – شرۆڤهكارى هاتیيه ئهنجامدان و ههروهها ههولددهت كو ب شێوهیهكى گشتى گرنگییا لارستێ د پێكهاتا رستاندا ژلایێ ههبوونێڤه د زمانێ كوردى( دیالێكتا كرمانجییا سهرى- شێوهزارێ بههدینى)دا دیاربكهت, نهتهنها د رستێن نهساده(لێكدایى , ئالۆز) و تێكهل(لێكدایا ئالۆز, ئالۆزا لێكدايى)دا, بهلكو د رستا ساده ژیدا, چونكى لارسته دبیته پێكهێنێ ئاڤاكهر ژبۆ پێكهاتا ههموو جۆرێن رستێن سیستهمى و نهسیستهمى.ئارمانجا سهركییا ئهڤێ ڤهكۆلینێ ئهوه, كارتێكرن و پهیوهندییا جۆرێن لارستان لسهر پۆلینكرنا رستان د زمانێ كوردیدا دیاربكهت و جۆراجۆرییا رستان ژلایێ ههبوون و پێكهاتنێڤه(ساده, نهساده و تێكهل) د زمانیدا ژبۆ جۆراجۆرییا لارستان ژلایێ ههبوون(سیستهمى , نهسیستهمى) و بكارهێنانێ(سهربهخۆ, بهند)ڤه ڤهدگهریت, چونكى پێكهێنێن پشكدار د پێكهاتا لارستاندا, لارستێن جۆراجۆر بهرههمدهینیت, ئهڤێ چهندێ ژى كارتێكرن ل سهر جۆرێن رستان ههیه