خلیل محمد براخاص؛ ارام حسن محمد
پوخته
ئامانج لەم توێژینەوەیە شیكردنەوەی خاسیەتە مۆرفۆمەتری و هیدرۆلۆجیەكانی ئاوزێلی دۆڵە رووبارییەكانی ...
زیاتر بخوێنەوە
ئامانج لەم توێژینەوەیە شیكردنەوەی خاسیەتە مۆرفۆمەتری و هیدرۆلۆجیەكانی ئاوزێلی دۆڵە رووبارییەكانی خۆرئاوی رووباری( سیروان)ە لە چوارچێوەی سنوری كارگێری قەزای کەلار، كە ئاوەزێڵەکانی(قەڵاتۆپزان,پارێوڵە, عیسایی, تازەدێ, تم تمان, قولی جان, هەوەس علی, کەواچەرموو) دەگرێتەوە، وە شیكاری بۆ پەرەسەندنی مۆرفۆمەتری و هیدرۆلۆجی بۆ ماوەی (٢٠٠٦-20٢١) دەكات، وە بە مەبەستی نواندنی کارتۆگرافی و شیكردنەوەی پەیوەندی نێوان بنەما سروشیتیەكان و كاریگەرییان لە سەر دیاردە مۆرفۆمەتری و هایدرۆلۆجیەكان و گۆرانكارییە سروشتیەكانی ئەو ئاوزێڵە ئاوویبەکانی ناوچەی توێژینەوەی كردووە.وە پشت بەسترا بە بەكارهێنانی بەرنامەی(10.8Arcmap RS@) و نەخشەیەكی تۆپۆگرافی و هیدرۆلۆجی بە پێوەری(1;25000)و بەكارهێنانی وێنەی مانگی دەستكردی ئەمریكی لە ماڵپەری (WWW.USGS.COM) لە جۆری(8Oli LAND SAT)لە رێكەوتی 1/9/2020، سەرباری فایلی مۆدێلی بەرزی ونزمی لە جۆری (15 DEM) و (١٥STREM M) بۆ ناوچەی توێژینەوە و دواتریش پشت بەستراوە بە بەکارهێنانی بەرنامەی (2014ERDAS IMAGIN) بەمەبەستی نواندنی كارتۆگرافی و بەرهەمهێنانی بنكەیەكی زانیاری جوگرافی و دەرخستنی باری هایدرۆلۆجی وەرزی و ساڵانەی ئەو ئاوزێلە ڕووبارییانە ڕوون دەكاتەوە كە بەشدار دەبێت لە بوژاندنەوەی ناوچەی توێژینەوە.توێژینەوەکە گەیشتوە بە چەند دەرئەنجامێکی گرنگ بەوەی کە بەرنامەكانی سیستەمەكانی زانیارییە جوگرافییەكان توانایەکی بەرزیان هەیە لە نواندنی کارتۆگرافی بنەما مۆرفۆمەتری و هیدرۆلۆجیەكانی ئاوزێلە ئاوییەکان, هەروەک تایبەتمەندییە سروشتیەکان و ئاووهەواییەکان کاریگەرى راستەوخۆیان هەیە لە سەر خاسیەتە مۆرفۆمەترى و هیدرۆلۆجیەکانى ئاوزێڵە ئاوویەکانى ناوچەکە، وەک پلەى لقدارى و درێژى یان کورتى دۆلەکان و بڕى ئاوى رۆیشتوویان.
