گرنگی ڕۆڵی خێزان لەپەروەردە کردنی منداڵ دا لە چی یەوە سەرچاوەى گرتوە؟ بۆچی خێزان لەهەر دەزگایەکی ترى پەروەردە کاریگەرترە لە سەر ئێستا وداهاتوى منداڵ، ئایا پرۆگرامی پەروەردەى ئیسلامی قۆناغی ( 1-6) بنەڕەتى تاچەند کاریگەرى هەیە لەسەر پەروەردەی تاک ، مەبەست لە ئەرکەکانى خێزان بەرامبەر منداڵ تا چیە؟ خێزان بۆ بنیاتنانى کۆمەڵگەى ئارام و پێگەیاندنى تاکى سوود بەخش پیادەى لایەنە (بایلۆژی ، دەرونى ، کۆمەڵایەتی وئابوریەکان)  ی کردوە یا تیشک خراوەتە سەر چەند لایەنێکی دیاریکراو لە پێگەیاندندا.
لەم توێژینەوەدا ئەرک وپێداویستیەکانى خێزان بۆ پەروەردەیەکى دروست ئاماژەى پێکراوەو هەڵسەنکاندن و تێبینیەکان لەسەر پرۆگرامی پەروەردەى ئیسلامی قۆناغی بنەڕەتى خراونەتە ڕوو، توێژینەوەکە لە سێ بەند پێک دێت لە بەندی یەکەم بەشی یەکەم ئاماژە بە چوارچێوەى گشتى توێژینەوەکە و  پێناسەى زاراوەکان لەبەشی دووەمدا ئامانجەکانى پەروەردەى ئیسلامی لەسەر تاک وخێزان پەروەردەى ئیسلامی ، لە کۆتا بەندیش هەڵسەنگاند بۆ بابەتەکانى پەروەردەى ئیسلامی لە قۆناغەکانى ( 1-6) بنەڕەتى لەسەر پەروەردەى تاک و خێزان، تا چ ئاستێک دەتوانێت کاریگەر بێت ، لەکۆتایشدا بەدەرەنجامی ئەوەى خێزان ئەو شوێن وجیگەیە سەرەتاى دەسپێکى پەیوەندی  و گەشەى کۆمەڵایەتى و بەهاو  ئاکارى منداڵە ، وە پەروەردەى ئیسلامی گشتگیرەو چەخت لە بوارەکانی ئیمانی وئاکارى وهزرى و دەرونى وکۆمەڵاەتی وتەندروستى دەکاتەوە، بەکردنەوەى خول و پاڵپشتیکردنی خێزان تەماشاکردنی ئاین وەک ڕەفتار و دانانى پرۆگرامێکی نوێ وەک ڕاسپاردە بوە بە کۆتا بەشی توێژینەوەکە.