ئه‌م توێژینه‌وه‌یه‌ به‌ناونیشانی (دیدو تێڕوانینی ئه‌حممه‌دی شاكه‌لی بۆپێغه‌مبه‌ری خوا) مه‌به‌ستمان له‌ پێغمبه‌ری كۆتایی جیهان  پێغه‌مبه‌ر (محه‌مه‌د)ه‌.توێژینه‌وه‌كه‌ هه‌‌وڵێكه‌ بۆ خستنه‌ ڕووی، یه‌كێكه‌ له‌ ناوه‌ڕۆكه‌سه‌ره‌كییه‌كانی شیعری كوردیی كه‌ ناوه‌ڕۆكی ئاینییه‌ ،هه‌رله‌مێژه‌وه‌ بوونی هه‌یه‌ و شاعیران به‌گرنگییه‌وه‌ تیانڕوانیووه‌ وبه‌شێك له‌ ده‌قه‌كانی خۆیان بۆ ئه‌و مه‌به‌سته‌ ته‌رخانكردووه‌. شیعر هه‌رله‌كۆنه‌وه‌ له‌ سه‌رده‌می یۆنانییه‌كانه‌وه‌ وه‌ك ژانرێكی ئه‌ده‌بی باڵا لێی ڕوانراوه‌.له‌لایه‌ن فه‌یله‌سوفه‌كان و ڕه‌خنه‌گرانی ئه‌ده‌به‌وه‌ هه‌ست به‌ ئه‌فسوون و كاریگه‌رییه‌كه‌ی كراوه‌ فره‌ ئه‌رك و فره‌ ڕۆڵ بووه‌ .چ وه‌ك لایه‌نی هونه‌ری و نه‌خشاندنی وێنه‌ی شیعری یان وه‌ك چێژوو به‌هاكه‌ی ، كه‌ شاعیر به‌هۆی ئه‌ندێشه‌وه‌ به‌كاریده‌هێنێت و كارده‌كاته‌ دڵ و ده‌روونی خوێنه‌ر.هاوكات ئه‌و كایه‌ معریفییه‌ پڕواتاییه‌ كه‌چه‌ندین ڕه‌هه‌ندی له‌ ناوه‌ڕۆكدا هه‌ڵگرتووه‌ ،هه‌ریه‌ك له‌ و ڕه‌هه‌ندانه‌ بیرو ئامانج و مه‌به‌ستی تایبه‌تی خۆیی هه‌یه‌.




(ئه‌حمدی شاكه‌لی)وه‌ك شاعیرێكی كورد دیارترین شاعیری گه‌رمیان ،به‌ شێكی زۆری به‌رهه‌مه‌ شیعرێكانی ڕه‌هه‌ندی ئاینی هه‌ڵگرتوه‌ ،ویستوییه‌تی له‌ و ڕێگه‌وه‌ خوشه‌ویستی خۆی بۆ ئاین و زاتی پاكی پێغمبه‌ر(د.خ)ده‌ربڕییوه‌،‌ ڕایه‌ڵێكی په‌یوه‌نده‌ دروست بكات به‌هۆیه‌وه‌ سیفاته‌ جوان و پاكه‌كانی ئه‌و زاته‌ له‌ ڕێگه‌ی ده‌قه‌كانییه‌وه‌ بۆ خوێنه‌ر به‌یان بكات و سودێكی رۆحی و دنیایی به‌ خوێنه‌ر بگه‌یه‌نێ.